ജീവിതം മധുരമായ കാമന പലേതിലൂടൊഴികി നീങ്ങവേ
ഭാവിയോ ശുഭകരം, പ്രതീക്ഷ വിവിധം നിറഞ്ഞുമിഹ, കണ്ടിടും
കുന്നിനോളമുളവായിടുന്ന പല മോഹമുള്ളവയിലെന്നുമേ
കൂനയോളമൊരു തുച്ച്ഛ കാമനകളെങ്കിലും മലരണിഞ്ഞിടും।
കാത്തുവെച്ചിടുവതാരുമാരുമറിയാതെയെന് കരളിനുള്ളിലായ്
ഏതുമോഹമതിനാശ്രയിച്ചുവരുമായിരം വിവിധ ചിന്തകള്
നീരില് വന്നു പതനം ഭവിക്കുമൊരു കല്ലു കുഞ്ഞല നിവര്ത്തിടും
നേരു മോഹമതു നൂറിനം വിവിധ ചിന്ത നെഞ്ചകമുണര്ത്തിടും
കാത്തുവെച്ചിടുവതാരുമാരുമറിയാതെയെന് കരളിനുള്ളിലായ്
ഏതുമോഹമതിനാശ്രയിച്ചുവരുമായിരം വിവിധ ചിന്തകള്
ശാന്തമായി നിലകൊണ്ടഭാഗമതിലീതരംഗമതു പോലവേ
എന്തിതെന്തു ചലനങ്ങളാണു മനതാരിലീ കനവു തീര്പ്പതായ്
വൃത്തം : കുസുമ മഞ്ജരി
No comments:
Post a Comment